بلعين يا عقال القصب - بالعامية الفلسطينية
للشاعر عمر القاضي بائع الورد
بلعين دقّي هالجرس
دقّي الجرس بالحيل
يا ويلهم يا ذلّهم
من عزّنا يا ويل
يا نجمهم يا مختفي
يا نجمنا يا سهيل
يا مهيرتي لا تجفلي
دوم أصهلي في الخيل
يا قلعتي بكتف الجبل
يا نارنا في الليل
يا زيزفونة شعبنا
يا تمرنا ونخيل
بلعين يا دار الكرم
يا دلالنا والهيل
بلعين يا تاج العرب
صار العرب عربين
بلعين علّي رايتك
تنوحّد الصفين
بلعين أجالك غايبك
مدي اله الكفين
يا طاهره يا عامرة بأهلها
يا حامله سيفين
يا وردها لأهلها يا شوكها
لأعدائها في العين
يا صبرها يا طيبها حرّاسها
زيتونها والتين
يا سيفنا يا عزّنا يا مجدنا
يا جرارنا في العين
بلعين أخت رجالها
يا مورّده الخدّين
بلعين صيحي في الركب
تا يسمعوا النايمين
في الليل قيدي نارك
تا يوصلوا التايهين
بلعين نادي المعتصم
يا محرّر الدارين
حديد كفن المعتصم
ومقفّل بقفلين
بعقوبة نادت قبلكي
ناري بقت نارين
أصنام صارت خيلهم
ومربّطة بوتدين
أسمنت كان طحينهم
وسخام على الايدين
علوج صارت جندهم
ومكحلة العينين
والمعتصم لما اعتلى ع مهيرته
وعسكر وراه ماشين
أرهابي صار المعتصم
يلطم على الخدين
ممنوع تنقذ هالبلد
لو ركّبت جنحين
بلعين نارك م أنطفت
والجمر في الايدين
بلعين أطول سنبلة
يا قمحنا وطحين
بلعين يا بحر العرب
ال ما اله شطّين
بلعين يا شط العرب
والمرسى والقارب
بلعين يا عقال العرب
واللحية والشارب
بلعين خلّي حاسدك
للحسرة هو شارب
بلعين يا بوبّو الوطن
والعين والحاجب
بلعين تفتح بابها
وتقوم بالواجب
بلعين مهره مضمّره
ما يعيبها عايب
بلعين تصلّي لربها
الله يا غالب
واللّي ما عنده وطن
حبله على الغارب
بلعين مرتينة وفا
ورصاصها صايب
بلعين يا عقال القصب
والمسبحة كارب
بلعين يا درع الوطن
من هاجمك خايب
بلعين كاسك يا وطن
م يشوبها شايب
يو الحساب لا تجفلي
يا قلعة الاحرار
لسّه الحساب بأوله
والحبل ع الجرار
خلّي الحساب أبيدره
يالله أبذروا لبذار
والحساب يوم الحساب
يا عالم القدار
وان ما في فشك لا تزعلي
مقلاعنا وحجار
وان قرّبوا ع اذيالك
ديري عليهم نار
بلعين كل ارجالها ونسوانها وكبارها وزغارها
مشتاقة للختيار
بلعين يا طهر الندى
تنادي ع ابو عمار
وينك يبوعمار اشتقنا يا ختيار
بلعين تسهر ع الحدود
تنادي على الثوار
بلعين يا جرح الوطن
وبلسمه موجود
بلعين شدّي حيلك
خلّي الوترمشدود
بلعين يا بنت الوطن
يا وعدنا الموعود
بلعين يا عين الوطن
قلعة وحصن وعنود
بلعين دقّي هالجرس
قرص الشمس دوّار
لسه الحساب بأوله
والحبل ع الجرار
الحقوق للشاعر عمر القاضي
بااااااائع الورد
عدل سابقا من قبل الشاعر عمر القاضي في الجمعة ديسمبر 21, 2012 2:44 pm عدل 1 مرات
الخميس ديسمبر 26, 2019 8:28 am من طرف فرندبوك friendbook
» الانتخابات الفلسطينية قانون الترشح بالقوائم النسبية المجلس التشريعي
السبت ديسمبر 07, 2019 7:35 am من طرف فرندبوك friendbook
» روابط ومواقع ادبية
الإثنين أكتوبر 07, 2019 11:10 am من طرف فرندبوك friendbook
» طقس ديراستيا فلسطين موقع طقس العرب
الأحد أكتوبر 06, 2019 10:34 am من طرف فرندبوك friendbook
» كفر لاقف سبب التسمية محافظة قلقيلية فلسطين
الأربعاء سبتمبر 25, 2019 5:09 am من طرف فرندبوك friendbook
» منتدى فلسطين القدس قناة الضفتين والمغتربين فيسبوك
الأربعاء سبتمبر 25, 2019 4:55 am من طرف فرندبوك friendbook
» مكاتب قناة الضفتين والمغتربين بث مباشر بالفيسبوك Palestine
السبت سبتمبر 21, 2019 12:28 pm من طرف فرندبوك friendbook
» منتدى تونس قناة الضفتين والمغتربين فيسبوك
الإثنين سبتمبر 16, 2019 3:28 am من طرف فرندبوك friendbook
» قيس سعيد مرشح الرئاسيات تونس 2019 معلومات مهمة شبكة بوابة فلسطين الاعلامية
الإثنين سبتمبر 16, 2019 3:26 am من طرف فرندبوك friendbook
» منتدى لبنان بيروت قناة الضفتين والمغتربين فيسبوك
السبت سبتمبر 14, 2019 5:12 am من طرف فرندبوك friendbook
» منتدى مصر القاهرة قناة الضفتين والمغتربين فيسبوك
الجمعة سبتمبر 13, 2019 12:31 pm من طرف فرندبوك friendbook
» منتدى سوريا دمشق قناة الضفتين والمغتربين فيسبوك
الأربعاء سبتمبر 11, 2019 9:44 am من طرف فرندبوك friendbook
» منتدى السعودية الرياض قناة الضفتين والمغتربين فيسبوك
الثلاثاء سبتمبر 10, 2019 9:11 am من طرف فرندبوك friendbook
» للعاطلين عن العمل نصائح للحصول على وظيفة بشكل سريع
الإثنين سبتمبر 09, 2019 1:19 pm من طرف فرندبوك friendbook
» النوم الزائد قد يتسبب فب عدة امراض
السبت سبتمبر 07, 2019 9:31 am من طرف فرندبوك friendbook