من طرف قصيدة حليمة والدنيا لئيمة للشاعر عمر القاضي بائع الورد
قصيدة حليمة أرفعي راسك
باللهجة الفلسطينية
تقديـم
قد تكون هذه القصيدة (القصة) من الخيال ولكنها كثيرة ومؤكّدة الحدوث في الوطن العربي في كل مدينة وتحدث لكل فتاه عربية مثل حليمة ،التي تبحث عن العمل الشريف لمحاربة فقرها ومساعدة عائلتها ومن أجل بناء مستقبلها ولكنها تتعرض للتحرّش من قبل أرباب العمل المتزوجون وغير المتزوجين ومن غيرهم من الموظفين والمراجعين ، ولكنها تمضي مرفوعة الرأس محافظة على شرفها رغم ظروفها القاسية و المضايقات التي تتعرض لها.باللهجة الفلسطينية
تقديـم
وهذه هي حليمة القصيدة والأخت والأبنة العربية.
القصــــــــــــــــــــيدة
الصّبر بالله حليمة
الصّبر زين
والدّنيا لو كانت لئيمة
الأمل وين ؟؟
حتى لو كنتي يتيمة
والدّمع في العين
أرفعي راسك حليمة
الفقر مش عيب
أرفعي راسك يا بنتي
ما عيب الاّ العيب
أبوكي عاطل عن العمل
ما في قرش في الجيب
وأخوكي غاطس في المرض
وما في أله تطبيب
وتعلـّمي يا حليمة
هيكا أمرنا الدين
وتخرّجي يا حليمة
بعد سنين ومنين
وأشتغلتي يا حليمة
مبروك قالوا تبيع هدوم
شيطان صاحب هالشـّغل
صار..... هم فوق هموم
شيطان في هيئة ملاك
يرسم عليها دوم
هي تصدّه باللطف
مسكينة بدها تعيش اليوم
ومريّته(زوجته) تيجي عليها
والنـّفس تحسبه عليها
ومرّيته من جيل أمّه
من شوفها يا كبر همّه
بتقطع الخميرة من البيت
وجهها بينشـّف بحر
وعيونها منبع للغدر
نكدها كل يوم بشهر
بعيونها تجحر جحر
كل يوم تنده على حليمة
تعالي يا وجه الفقر
جمالك على قلبي صخر
لا أحط في قلبك جمر
ونجوم في عز الظهر
قبل ما أفقع قهر
ومرّته من شوفها الله يستر
وجهها بينشـّف بحر
لكنها دفعتله المهر
وخلـّت العصمة بأيديها
حتى لا يطير من أيديها
دفعتله ربع مليون
قبضهن منها بالدّولر
وفوقهن سيارة وقصر
عمره في نص العشرين
وهي قطعت الخمسين
مرّة حاول ينتحر
لما قامتله الباروكة
وشاف القردة بلا شـّعر
وكمان حاول ينتحر
لما شالتله الطـّقم
وشاف شوفي بالثـّغر
الله لا يحطـّك محلـّه يا فلاح
مغارة جعيتا في الثـّغر
أمّا حليمة يا عيني عليها
ياروحي عليها يا خوفي عليها
حليمة يا وجه القمر
أنوثة وجمال وخصر
منجم ذهب وخيوط القصب
من تحت الحجاب الشـّعر
خاتم سليمان الثـّغر
أما القسم يا خيزران
وعيون أحلى من الخضر
وخدود تفـّاح الجليل
وشفايف عنـّاب وجمر
ورموش مرخيّة بحنان
والحاجب سيف المنتصر
والعنق مع جيد الغزال
مرمر مصقول النـّحر
درّاق عا روس الخدود
رمّان نافر على الصّدر
وعيون مكحولة طبيعي
أوعي حليمة من الغدر
ومريّته تنده عليها
في القصر تحرث عليها
في القصر تلعن أبوها
في القصر تنكّد عليها
في القصر تدمع عينيها
والنـّفس تحسب عليها
ويلي عليكي يا حليمة
يا ضيم حالي يا حليمة
بعدعمري يا بعد أهلي
بعد الشهادة الجامعية
صارت خدّامة بقصر
حطـّي الشهادة يا حليمة ؟؟؟
حطـّي الشهادة عا جنب
الصّبر يا بنتي الصّبر
والقصر صار لحليمة
صار ألعن من قبر
والدمع منّي عا حليمة
الله يلعن حياة الفقر
والأب مش لاقي شغل
والحمل كلـّه عليها
ودموع كا زخ المطر
محبوسة جوّا في عينيها
وجروح سببّها الدّهر
تا تندمل بدها عمر
والمرض ينهش أخوها
والوقت يضغط عليها
فتشـّت في كل ديرة
عن شغل
دوّرت في كل شارع
عن عمل
مافي شغل ما في عمل
كل الأبواب تسكّرت
كل الطـّرق وأتقفـّلت
ألاّ في ديار الخسيس
ألاّ في قصر اللئيمة
ما في بصيص من الأمل
والخسيس يرسم عليها
حالف يكسر لا. . عنيها
والخسيس ناوي عليها
وفي يوم في عز الظـّهر
في آب في نص الشـّهر
وفي الشارع أنقطعوا البشر
حاول معاها هالخسيس
نادى عليها تيجي فوق
تتطلع عنده عالمكتب
صار يمثـّل صار ويكذب
صار يتمسكن تا يتمكّن
حتى سكّر باب المكتب
نا وي يوخذها غدر
ناوي يطعن في الظـّهر
الألف رماها عليها
قبل ما هجم عليها
خذي ولي..وأ تمصرفي
من غير قناع صار يحاكيها
وألألف كانت بالدّولر
أبوها عاطل عن العمل
وأخوها غاطس في المرض
يا ناري عليكي يا حليمة
موقف صعب مش هيكا حليمه؟؟
الألف رماها عليها
بالقدم داست عليها
كلـّه يهون ألاّ العرض
ألاّ الشـّرف ألاّ العفاف
تفوووه تفشر يا النـّذل
بالكف تصفع هالخسيس
ونعال على وجه الجبان
تخسى يا حفيد أبليس
عا الشغل 60 جهنم
الله برزق الله أعلم
كلـّه ولااا ..ألاّ العرض
أرفعي راسك حليمة
الفقر مش عيب
أرفعي راسك يا أختي
ما عيب ألاّ العيب
وع القبر تجري حليمة
ع القبر راحت حليمة
وع القبر تركض حليمة
وعا القبر نامت حايمة
والدّمع مالي عنيها
وينك يا يمّه أنا هيّاني
جيت لحدّك هيّني عندك
وينك يمّه يا نور عيوني
يا ريت المووووووت ما أجالك يوم
قومي يمّه
رحتي بدري وتركتيني
أنا عندك يمّه محتاجة ليكي
كنتي يا ميمة
على باب الدّار تستنـّيني
بلهفة وشوووووق وتضمّيني
بدموعك يا مّة وتبوسيني
قومي يماما
بهذه اللحظة وتع شوفيني
أأأأأأأأأه يمّه ويلي يمّه تع ضميّني
مين حيكفكف دمعي الطاهر
غيرك أنتي
مين حي نادي بصوته الحاني
تعالي يا بنتي
مين حيقولي بصوته الدافي
بحضني أنتي
مين حيخاف عليّه يا ماما
من طير وطاير
مين حيجدّل في الصبحية
شعري ضفاير
مين حيخبز في الظـّهرية
الشمس فطاير
مين حيشرب معاي القهوة
في العصريّة
مين ومين بقالي سنين
مين قولي لي غيرك أنتي
مين قولي لي يا ريتك تحكي
مين حيوقـّف بوجه الغادر
غيرك أنتي
مين ح يصحى بنص الليل
تا يغطـّيني
مين ومين ح يحميني
على قبرك ماما
على ترابك ماما
تبكي عيوني
فزّي يماما بهذه اللحظة
وتعالي ضمّني
فزّي يمّة فزّي عشاني
فزّي يماما أنا هيّاني
رحتي بدري ودشـّرتيني
يا ريتك يا يمّه ما سبتيني
وحنان.............. من جوّا القبر تنادي
وينك بنتي وينك جوزي وين أولادي
يا عالم بنتي يا خوي وأختي
حلفوا الناس اللي سمعوها
أنـّه حجار القبر تنادي
حلفوا الناس الي مرّوها
أنـّه تراب القبر ينادي
حلفوا الناس اللي شافوها
أنه زهور القبر بتبكي
حلفوا الناس اللي قشعوها
أنـّه زوايا القبر بتحكي
تعالي تعالي يا حليمة
تعالي تضمك تعالي تشمّك
تعالي حليمة أنا أمّك
تعالي يا بنتي
تعالي يا ماما كيف تركتك
من غير م أرقص ليالي بعرسك
لمين خلـّيتك كيف خلـّيتك
يا ميلة بختي يا ميلة بختك
يا ريتك كنتي ضمّيتيني
وبوّستيني وحنـّيتيني قبل ما رحتي
يا ريتك يمّة بتزوريني في مدرستي
يا ريتك كنتي بعيد الأم
حليمة بنتك من غير أم
وأبوي ليل نهار يسئل عنـّك
مهوش مصّدق أنك متـّي
بنادي عليكي كانـّك أنتي
وين رحتي يا حنان ؟
من زمان وينك أنتي يا حنان؟
بنادي عليكي ليش طوّلتي ؟
جيبيلي القهوة وجيبي الشاي
والسجاير لا تنسيها يا حنان
وأخوي بقول أنا تعبان
أرضي عليّه يا ماما كمان
والستـّاير والزّرّيعة والحيطان
والشبابيك والأبواب والجيران
أرفعي راسك حليمة
فخورة بيكي
أبوكي يمّه أخوكي يمّه
يرضى عليكي
تسلم أيدك اللي صفعت هالغدّار
تسلم أيدك يا حليمة
كلـّه يهون الاّ العرض
الحقوق للشاعر عمر القاضي
بااااائع الورد
القصــــــــــــــــــــيدة
الصّبر بالله حليمة
الصّبر زين
والدّنيا لو كانت لئيمة
الأمل وين ؟؟
حتى لو كنتي يتيمة
والدّمع في العين
أرفعي راسك حليمة
الفقر مش عيب
أرفعي راسك يا بنتي
ما عيب الاّ العيب
أبوكي عاطل عن العمل
ما في قرش في الجيب
وأخوكي غاطس في المرض
وما في أله تطبيب
وتعلـّمي يا حليمة
هيكا أمرنا الدين
وتخرّجي يا حليمة
بعد سنين ومنين
وأشتغلتي يا حليمة
مبروك قالوا تبيع هدوم
شيطان صاحب هالشـّغل
صار..... هم فوق هموم
شيطان في هيئة ملاك
يرسم عليها دوم
هي تصدّه باللطف
مسكينة بدها تعيش اليوم
ومريّته(زوجته) تيجي عليها
والنـّفس تحسبه عليها
ومرّيته من جيل أمّه
من شوفها يا كبر همّه
بتقطع الخميرة من البيت
وجهها بينشـّف بحر
وعيونها منبع للغدر
نكدها كل يوم بشهر
بعيونها تجحر جحر
كل يوم تنده على حليمة
تعالي يا وجه الفقر
جمالك على قلبي صخر
لا أحط في قلبك جمر
ونجوم في عز الظهر
قبل ما أفقع قهر
ومرّته من شوفها الله يستر
وجهها بينشـّف بحر
لكنها دفعتله المهر
وخلـّت العصمة بأيديها
حتى لا يطير من أيديها
دفعتله ربع مليون
قبضهن منها بالدّولر
وفوقهن سيارة وقصر
عمره في نص العشرين
وهي قطعت الخمسين
مرّة حاول ينتحر
لما قامتله الباروكة
وشاف القردة بلا شـّعر
وكمان حاول ينتحر
لما شالتله الطـّقم
وشاف شوفي بالثـّغر
الله لا يحطـّك محلـّه يا فلاح
مغارة جعيتا في الثـّغر
أمّا حليمة يا عيني عليها
ياروحي عليها يا خوفي عليها
حليمة يا وجه القمر
أنوثة وجمال وخصر
منجم ذهب وخيوط القصب
من تحت الحجاب الشـّعر
خاتم سليمان الثـّغر
أما القسم يا خيزران
وعيون أحلى من الخضر
وخدود تفـّاح الجليل
وشفايف عنـّاب وجمر
ورموش مرخيّة بحنان
والحاجب سيف المنتصر
والعنق مع جيد الغزال
مرمر مصقول النـّحر
درّاق عا روس الخدود
رمّان نافر على الصّدر
وعيون مكحولة طبيعي
أوعي حليمة من الغدر
ومريّته تنده عليها
في القصر تحرث عليها
في القصر تلعن أبوها
في القصر تنكّد عليها
في القصر تدمع عينيها
والنـّفس تحسب عليها
ويلي عليكي يا حليمة
يا ضيم حالي يا حليمة
بعدعمري يا بعد أهلي
بعد الشهادة الجامعية
صارت خدّامة بقصر
حطـّي الشهادة يا حليمة ؟؟؟
حطـّي الشهادة عا جنب
الصّبر يا بنتي الصّبر
والقصر صار لحليمة
صار ألعن من قبر
والدمع منّي عا حليمة
الله يلعن حياة الفقر
والأب مش لاقي شغل
والحمل كلـّه عليها
ودموع كا زخ المطر
محبوسة جوّا في عينيها
وجروح سببّها الدّهر
تا تندمل بدها عمر
والمرض ينهش أخوها
والوقت يضغط عليها
فتشـّت في كل ديرة
عن شغل
دوّرت في كل شارع
عن عمل
مافي شغل ما في عمل
كل الأبواب تسكّرت
كل الطـّرق وأتقفـّلت
ألاّ في ديار الخسيس
ألاّ في قصر اللئيمة
ما في بصيص من الأمل
والخسيس يرسم عليها
حالف يكسر لا. . عنيها
والخسيس ناوي عليها
وفي يوم في عز الظـّهر
في آب في نص الشـّهر
وفي الشارع أنقطعوا البشر
حاول معاها هالخسيس
نادى عليها تيجي فوق
تتطلع عنده عالمكتب
صار يمثـّل صار ويكذب
صار يتمسكن تا يتمكّن
حتى سكّر باب المكتب
نا وي يوخذها غدر
ناوي يطعن في الظـّهر
الألف رماها عليها
قبل ما هجم عليها
خذي ولي..وأ تمصرفي
من غير قناع صار يحاكيها
وألألف كانت بالدّولر
أبوها عاطل عن العمل
وأخوها غاطس في المرض
يا ناري عليكي يا حليمة
موقف صعب مش هيكا حليمه؟؟
الألف رماها عليها
بالقدم داست عليها
كلـّه يهون ألاّ العرض
ألاّ الشـّرف ألاّ العفاف
تفوووه تفشر يا النـّذل
بالكف تصفع هالخسيس
ونعال على وجه الجبان
تخسى يا حفيد أبليس
عا الشغل 60 جهنم
الله برزق الله أعلم
كلـّه ولااا ..ألاّ العرض
أرفعي راسك حليمة
الفقر مش عيب
أرفعي راسك يا أختي
ما عيب ألاّ العيب
وع القبر تجري حليمة
ع القبر راحت حليمة
وع القبر تركض حليمة
وعا القبر نامت حايمة
والدّمع مالي عنيها
وينك يا يمّه أنا هيّاني
جيت لحدّك هيّني عندك
وينك يمّه يا نور عيوني
يا ريت المووووووت ما أجالك يوم
قومي يمّه
رحتي بدري وتركتيني
أنا عندك يمّه محتاجة ليكي
كنتي يا ميمة
على باب الدّار تستنـّيني
بلهفة وشوووووق وتضمّيني
بدموعك يا مّة وتبوسيني
قومي يماما
بهذه اللحظة وتع شوفيني
أأأأأأأأأه يمّه ويلي يمّه تع ضميّني
مين حيكفكف دمعي الطاهر
غيرك أنتي
مين حي نادي بصوته الحاني
تعالي يا بنتي
مين حيقولي بصوته الدافي
بحضني أنتي
مين حيخاف عليّه يا ماما
من طير وطاير
مين حيجدّل في الصبحية
شعري ضفاير
مين حيخبز في الظـّهرية
الشمس فطاير
مين حيشرب معاي القهوة
في العصريّة
مين ومين بقالي سنين
مين قولي لي غيرك أنتي
مين قولي لي يا ريتك تحكي
مين حيوقـّف بوجه الغادر
غيرك أنتي
مين ح يصحى بنص الليل
تا يغطـّيني
مين ومين ح يحميني
على قبرك ماما
على ترابك ماما
تبكي عيوني
فزّي يماما بهذه اللحظة
وتعالي ضمّني
فزّي يمّة فزّي عشاني
فزّي يماما أنا هيّاني
رحتي بدري ودشـّرتيني
يا ريتك يا يمّه ما سبتيني
وحنان.............. من جوّا القبر تنادي
وينك بنتي وينك جوزي وين أولادي
يا عالم بنتي يا خوي وأختي
حلفوا الناس اللي سمعوها
أنـّه حجار القبر تنادي
حلفوا الناس الي مرّوها
أنـّه تراب القبر ينادي
حلفوا الناس اللي شافوها
أنه زهور القبر بتبكي
حلفوا الناس اللي قشعوها
أنـّه زوايا القبر بتحكي
تعالي تعالي يا حليمة
تعالي تضمك تعالي تشمّك
تعالي حليمة أنا أمّك
تعالي يا بنتي
تعالي يا ماما كيف تركتك
من غير م أرقص ليالي بعرسك
لمين خلـّيتك كيف خلـّيتك
يا ميلة بختي يا ميلة بختك
يا ريتك كنتي ضمّيتيني
وبوّستيني وحنـّيتيني قبل ما رحتي
يا ريتك يمّة بتزوريني في مدرستي
يا ريتك كنتي بعيد الأم
حليمة بنتك من غير أم
وأبوي ليل نهار يسئل عنـّك
مهوش مصّدق أنك متـّي
بنادي عليكي كانـّك أنتي
وين رحتي يا حنان ؟
من زمان وينك أنتي يا حنان؟
بنادي عليكي ليش طوّلتي ؟
جيبيلي القهوة وجيبي الشاي
والسجاير لا تنسيها يا حنان
وأخوي بقول أنا تعبان
أرضي عليّه يا ماما كمان
والستـّاير والزّرّيعة والحيطان
والشبابيك والأبواب والجيران
أرفعي راسك حليمة
فخورة بيكي
أبوكي يمّه أخوكي يمّه
يرضى عليكي
تسلم أيدك اللي صفعت هالغدّار
تسلم أيدك يا حليمة
كلـّه يهون الاّ العرض
الحقوق للشاعر عمر القاضي
بااااائع الورد
» الانتخابات الفلسطينية قانون الترشح بالقوائم النسبية المجلس التشريعي
» روابط ومواقع ادبية
» طقس ديراستيا فلسطين موقع طقس العرب
» كفر لاقف سبب التسمية محافظة قلقيلية فلسطين
» منتدى فلسطين القدس قناة الضفتين والمغتربين فيسبوك
» مكاتب قناة الضفتين والمغتربين بث مباشر بالفيسبوك Palestine
» منتدى تونس قناة الضفتين والمغتربين فيسبوك
» قيس سعيد مرشح الرئاسيات تونس 2019 معلومات مهمة شبكة بوابة فلسطين الاعلامية
» منتدى لبنان بيروت قناة الضفتين والمغتربين فيسبوك
» منتدى مصر القاهرة قناة الضفتين والمغتربين فيسبوك
» منتدى سوريا دمشق قناة الضفتين والمغتربين فيسبوك
» منتدى السعودية الرياض قناة الضفتين والمغتربين فيسبوك
» للعاطلين عن العمل نصائح للحصول على وظيفة بشكل سريع
» النوم الزائد قد يتسبب فب عدة امراض